Transcription
1
Monsieur, je vous ay bien volu dresser la presente pour le debvoir
2
que je vous ay à vous offrir tousjours très humble et perpetuel
3
service, et vous dyre aussy monsieur, que suyvant votre advis et commandement,
4
je mesteoiz resolue et aprestée à despartir pour aller faire ung voiaige
5
à Paris pour la poursuite de mes affaires, mais quattre ou cinq
6
jours devant deusse partir, receu lettre de monsieur de Chastellar
7
et de Villuermoz advocat qui madvertissoint mestre
8
necessaire pour le peu despoir quilz voient que je peusse
9
oster ma cause du grand conseil, en ayant charge lon a les
10
moyens et que pour plaider au grand conseil javeois assés
11
y envoyer mes pièces et homme suffisant pour faire la formalité
12du procèz et quant il seroit de besoing dy aller, [barré : il me ]
13
estant prest à juger, il men advertireoient, ce que monsieur
14
de Sainct Romain mon frère a treuvé bon et estoit de cest advis
15
que je marrestasse et y ay dejà despeché ung homme bien
16
suffisant pour ce faict là, et de qui ay fidelité, vous mersiant
17
très humblement monsieur, tant de biens et de faveur quil
18
vous a pleu me despartir en ce myen affaire qui me rend
19
tant abligée à vous que la chose que jaurey le plus en
20
recommandation sera de obeyr à vous commandemens et prier
21
Dieu
22
Monsieur, pour laugmentement de votre heureuse prosperité
23
et santé, saluant vous bonnes graces de mes très humbles
24
recommandacions. Du Montelimar, ce XVII aoust
25
Votre très humble et
26
obeissante alliée preste
27
à vous faire service
28
de ancezune